amalinks wokungena

Breaking News

UMalaba kuMashurugwi: Ubudlova Lobu Asingeke Sibuvumele, Isandla Somthetho Sizakuba Lukhuni Kini


Umahluli omkhulu weZimbabwe uMnu Luke Malaba sesole izigebengu ezidume ngokuhlasela lokubulala abembi begolide zihlome ngembemba ezaziwa ngokuthi ngamaShurugwi, esithi imithethwandaba kayisoze ivumele ubukliwi lobu buqhubeka.

UMalaba wethule amazwi la ngoMvulo emkhosini wokusungula umsebenzi wemithethwandaba lonyaka eHarare.

Izikliwi lezi sezibulele abantu abanengi abagoqela ipholisa njalo zahlasela endaweni ezitshiyeneyo ezilemigodi yegolide, ezigoqela enhla lasezansi yeMatabeleland, eKwekwe laseKadoma.

UMalaba ukhuthaze zonke inhlangothi ezibona ngokulondolozwa komthetho ukuthi zibambe iqhaza zilwisane lobugebengu lobu.

Uphinde wachothoza abatshutshisi ngokwehluleka ukuphenya kuhle amacala enkohlakalo, okucina kubangela ukuthi imithethwandaba yehluleke ukuvalela izigebengu.

“Ngithanda ukwazisa uzulu ukuthi imithethwandaba izimisele ukuthetha amacala anje. Sokulemithethwandaba elizweni lonke jikelele ekhangelane lalawa macala,” kutsho uMalaba.

“Ngikhuthaza bonke abakhangelane lokulondolozwa komthetho ukuthi bahlanganise amakhanda kuqedwe udubo lolu. Abagcini bomthetho ngeke behlale babukele izigebengu lezi zihlukumeza uzulu ngendlela enje.”

please wait
Embed

No media source currently available

0:00 0:00:55 0:00

Kodwa ingcwethi ehlaziya ezombusazwe uMnu Dinizulu Macaphulana utshele iStudio 7 ukuthi udaba lwenkohlakalo yilo olwenza amacala angatshitshiswa ngemfanelo eZimbabwe.

“Kuyinto enkulu kakhulu lokhu okukhulunywe nguMalaba ngoba elizweni elilenkohlakalo njengeZimbabwe sebekwazi abomthetho ukuthi ukuze bawabulale amacala kumele bahambise ama-docket angaphekwanga kuhle emthethwandaba,” kutsho uMacaphulana.

please wait

No media source currently available

0:00 0:02:41 0:00

Facebook Forum

XS
SM
MD
LG