amalinks wokungena

Breaking News

'Ukukhalala Umsebenzi Kwababalisi Lokudilika Komnotho Kuphazamisa Ezemfundo'


Inengi lithi ukukhalala umsebenzi kwababalisi okuqhubekayo phezu kodaba lweholo kuzaphazamisa abantwana ezifundweni zabo.

Izikolo zivulwe ngoLwesibili kuliviki kodwa ababalisi abanengi kabayanga emsebenzini ngoba bathi abalamali yokugada.

Ngakho, bathi uhulumende kumele akhuphule iholo labo lilingane leUS$475. Ngemali yeZimbabwe bathi bafuna i$7,000 kusiya phezulu.

Kodwa uhulumende uthi akalayo limali. Abazali bathi kumele loludaba lulungisiswe ngokuphangisa ukuze ababalisi babuyele ezikolo ngoba imfundo yabantwana iphazamiseka.

Lanxa uhulumende evimbe izikolo zePrimary lezeSecondary ukwengeza imbadalo yemfundo, inengi lithi ukutshabalala komnotho kuzadala ukuthi abanye abafundi behluleke ukuqhubeka ngezifundo zabo.

Ngokunjalo, abanye bathi amabandla ezombusazwe athi eleZanu PF leleMDC kumele ahlale phansi akhulumisane kudingwe indlela zokuhlenga ilizwe ebunzimeni eliphakathi kwabo.

Ukuhlaziya loludaba sixoxe lelunga leZanu PF uMnu Malaki Nkomo endawonye lelunga leMDC uMnu Edwin Ndlovu onguye osungula lingxoxo.

please wait

No media source currently available

0:00 0:05:24 0:00

Facebook Forum

XS
SM
MD
LG