amalinks wokungena

Breaking News

Amapholisa Angene Ehofisini yeMDC Edinga Izikhali Kodwa Aziswela


Amapholisa angene emahofisini ebandla leMDC esithi adinga inkemba lezinye izikhali, kodwa aziswele.

Amapholisa abehlome ngemibhobho angene emahofisini ebandla leMDC eHarare ngoLwesihlanu esithi adinga izikhali ezigoqela imbemba ezilakho ukusetshenziswa yilelibandla ukubangela udlakela elizweni.

Kodwa awatholanga lutho. Amapholisa la ebephethe incwadi yomthethwandaba ewavumela ukuguduza emahofisini eMDC, iSearch Warrant.

Athi athethe lelinyathelo ngoba enakanela ukuthi uMnu Nelson Chamisa lebandla lakhe bagcine izikhali eziyingozi abajonge ukuzisebenzisa kumisebenzi yodlakela.

Lokhu kwenzakala ngesikhathi kulokwesaba okukhulu elizweni okudalwa yizikliwi ezaziwa ngokuthi ngamaShurugwi ezihlasela abembi begolide zihlome ngenkemba lezinye izikhali eziyingozi.

Izikliwi lezi sezibulele abantu abanengi elizweni njalo abanye bathi zilobudlelwano lababusayo. Kodwa isimanga kwabanengi yikuthi amapholisa akhanya esegcona ibandla leMDC.

“Le yiyo okuthiwa yinsindabaphenduli. Batsho abadala bathi icala lembula ingubo lingene,” kutsho umgcinisihlalo weMDC uNkosazana Thabitha Khumalo.

“Laba abantu sebephelelwe, sebedinga indlela zonke ukuthi sense intando yabo… AmaShurugwi yimisebenzi yeZanu PF. Ngabe ngabethu ngabe kudala babotshwa bavalelwa.”

please wait

No media source currently available

0:00 0:02:14 0:00

Isikhulumeli samapholisa uMnu Paul Nyathi utshele iStudio 7 ukuthi ubengeke ekhulume ngaloludaba ngesikhathi simtshayela ucingo ngoba ubebambekile.

Asenelisanga ukukhuluma labeZanu PF. Kodwa isiphathamandla salelibandla uMnu Paul Mangwana ukulandule kumsakazo kunsukwana ezedluleyo ukuthi balobudlelwano lezigebengu lezi.

Facebook Forum

XS
SM
MD
LG