amalinks wokungena

Breaking News

Ukuhlaselwa Kwabokuza Kuyaqhubeka kweleSouth Africa


Izizalwane zakwamanye amazwe ezigoqela ezeZimbabwe ezihlala eOlievenhoutbosch, kweleSouth Africa, zithi sezihlalela evalweni kulandela ukuhlaselwa kwabokuza kulelilokitshi.

Esinye sezizalwane zeZimbabwe uMnu Nkululeko Mathe uthi baqale ukuhlaselwa ngoLwesithathu lapho athi uvuswe khona ngumsindo wabantu sebegcwele egumeni lakhe bebhaxabula yiloba ngubani abamcabangela ukuthi ngowokuza.

“Bebetshaya hayi kancane. Kwagcina sekudutshulwana sekulabantu abasebesithi bayatshisa ipolice station,” kutsho uMnu Mathe.

Izizalwane zakweleSouth Africa zihlasele abokuza kuleli lokitshi ngemva kokuba esinye isizalwane seMalawi sikhandele omunye umfundi incwadi yokuzalwa yamanga.

Izakhamizi ziye zayamangala emapholiseni kodwa amapholisa abuye amkhulula umsolwa. Lokhu kubangele ukuthi izakhamizi zizame ukutshisa inkamba yamapholisa.

Amapholisa acine echitha abantu laba ngokubadubula ngenhlamvu ezingabulaliyo kodwa ezizwisa ubuhlungu. Kulimale ipholisa elilodwa kulesi sehlakalo.

Izakhamisi zithe ngokwehlulwa ngamapholisa zaqala ukungena ngendlu ngendlu ziguduza lokuhlasela abakwamanye amazwe.

Esinye njalo isizalwane seZimbabwe esihlala eOlievenhoutbosch esikhethe ukwaziwa ngokuthi nguMnu Sithole, uthi lobanje isimo sisahlalisekile, abazi iyozala nkomoni.

“Bathe besuka lapha bayangena door-to-door bekhipha abantu bangaphandle besithi abasabafuni. Bathi abantu bangaphandle yibo abale crime,” kutsho uSithole.

Ukuhlaselwa kwabokuza kweleSouth Africa lonyaka kuqale kumaviki asanda kwedlula kulandela ukubulawa kwepholisa eDiepsloot ngabasolwa ababikwa bedabuka eZimbabwe.

“Thina singabakaMzilikazi siyayigxeka kakhulu leyonto yokuthi kubulawe abantu kuzogangwa lapha thina sibalekile sifuna ukuzocatsha lapha sizovikela impilo zethu ezibulawayo le Ekhaya,” kutsho uMnu Eden Gideon Gama.

Isikhulumeli samapholisa uBrigadier Vishnu Naidoo uthe sebeqhube umhlangano lezakhamizi zeOlievenhoutbosch bezikhuthaza ukuthi zibike bonke ubugangi emapholiseni hatshi ukufaka umthetho ezandleni zazo.

please wait

No media source currently available

0:00 0:02:04 0:00

XS
SM
MD
LG