WASHINGTON D.C —
Udaba lokwehlukana kukamsekeli kamongameli welizwe, uMnu. Constantino Chiwenga lomkakhe, uMarry Mubaiwa, luzathethwa lamuhla phambili komkhokheli wezemithetho, uChief Justice Luka Malaba.
Kumaviki amabili adluleyo umthethwandaba we High Court wanquma ukuba uChiwenga aphe unkosikazi abantwana abababangayo kunye lokumvumela ukuya emzini wabo eBorrowdale kodwa uChiwenga wakhweza loludaba phambili kudale le Supreme Court.
Unkosikazi wakhe, uMarry uzakuya emthethwandaba evela esikokisini ngemva kokubotshwa ngoMgqibelo esetheswa icala lokutshaya obagcinele abantwana.
Kodwa ingcwethi ecubungula ezomthetho, uMnu. Job Sibanda uthi kwakungamelanga uMarry avalelwe ngecala lokutshaya umuntu ngoba landise ukuqedwa emapholiseni lungafiki emthethwandaba.
