amalinks wokungena

Breaking News

UMnangagwa Uye Emhlanganweni weAfrican Union kweleEthiopia


UMongameli Emmerson Mnangagwa uye kweleEthiopia ngoLwesihlanu ukuyangena umhlangano weAfrican Union okhangelelwe ukuqala ngeSonto.

UMnangagwa uzahlangana labanye abakhokheli bamazwe eAfrica bekhulumisana ngendlela zokuqeda izimpi kulelizwekazi kanye lokuthuthukisa impilo kazulu.

Indikimba yalumhlangano ithi “Silencing the Guns: Creating Conducive Conditions for Africa’s Development,” okutsho ukuthi “Ukuletha Intuthuko eAfrica Ngokuthulisa Imibhobho” ngolimi lwesiNdebele.

Lanxa ukuqeda izimpi kuyinto eqakathekileyo, omunye wabalwela amalungelo oluntu eZimbabwe uMnu Charles Nyoni uthi inkokheli yeAfrica kumele iqakathekise njalo udaba lwamalungelo oluntu.

“Kumele baqakathekise ukulondolozwa kwamalungelo abantwana beAfrica lokuhlonitshwa kwemithetho egoqela isisekelo sombuso kanye lodaba lokwalela ezikhundleni,” kutsho uNyoni.

please wait

No media source currently available

0:00 0:02:13 0:00

XS
SM
MD
LG