WASHINGTON DC —
Uhulumende ngoLwesithathu wehlise imbadalo yokuloba imihloliso ye‘O’ Level leye‘A’ Level, yona ebikhwezwe lugatsha lweZimsec ngesilinganiso esiphezulu esitshiye inengi likhala.
Lolugatsha belukhuphule imbadalo yokubhala imihloliso ye‘O’ Level isuka ku$15 i-subject ngayinye isiya ku$190. Eye‘A’ Level yona ibikhwele isuka ku$26 yaya ku$351.
Kodwa ngemva kokukhala kwabanengi, umphathintambo wezemfundo uMnu Cain Mathema wazise ukuthi abafundi sebezabhadala imali ekade bevele beyibhadala.
Ngamanye amazwe, abafundi abaloba i‘O’ Level bazaqhubeka behlawula i$15 kuthi abe‘A’ Level labo bazahlawula i$26 isubject ngayinye.
Omuny wabazali abakhulume leStudio 7 uMnu Greater Vodloza Sibanda uthe kuyamjabulisa kakhulu okwenziwe nguhulumende.