amalinks wokungena

Breaking News

Abasekeli beMDC Bamiswe Enkantolo Besetheswa Icala Lokuphehla Udlakela


Abasekeli beMDC abathi uMnu Makomborero Haruzivishe loMnu Allan Moyo bamiswe emthethwandaba ngoMgqibelo besetheswa icala lokuphela udlakela.

Ababili laba babotshwe ngoLwesine ndawonye labanye abedlula amatshumi amathathu kulandela ukutshengiselwa okwakwenziwe ngabasakhulayo bebandla leli eHarare ngoLwesithathu besola umbuso weZanu PF.

Kodwa abanye baphanga bakhululwa kwasala uMnu Haruzivishe loMnu Moyo.

Igqwetha labo licele inkantolo ukuthi ibakhulule ngemali yesibambiso, i-bail, kodwa umantshi uthe uzahluza isicelo sabo abesesipha isinqumo sakhe ngoMvulo.

Ngokunjalo, ababili laba bazaqhubeka bevalelwe impelaviki yonke lanxa belilandula icala.

Isikhulumeli somkhokheli weMDC uDr. Nkululeko Sibanda usole ukubotshwa kwabasekeli babo esithe le yimizamo nje yamapholisa yokubahlukuluza.

please wait

No media source currently available

0:00 0:02:45 0:00

Umsakazo weSudio 7 wehlulekile ukukhuluma lamapholisa ngoba isikhulumeli sawo uMnu Paul Nyathi ubengadobho ucingo lwakhe.

XS
SM
MD
LG