amalinks wokungena

Breaking News

Isizalwane seThailand Esibaleke Esibhedlela eHarare Sibuyelile Sahlolwa iCoronavirus


Isizalwane sakweleThailand esinakanelwa ukuthi singaba lomkhuhlane weCoronavirus esibaleke esibhedlela seWilkins eHarare ngoMvulo sibuyelile ukuyahlolwa esibhedlela lesi ngoLwesibili.

Umuntu lo ngowesilisa oleminyaka yokuzalwa engamatshumi amabili lasithupha njalo ubesedingwa ngamapholisa.

Obona ngezempilakahle kukhansili yeHarare uDokotela Prosper Chonzi utshele umsakazo weZBC ukuthi lundoda uhloliwe ngoLwesibili njalo ubekhangelelwe ukwaziswa ekutshoneni kwelanga ukuthi ulawo na lumkhuhlane kumbe umsulwa.

Lundoda uvele eThailand kumalanga angamatshumi amabili edluleyo. KweleThailand umkhuhlane weCoronavirus usubulele umuntu oyedwa kuphela.

Emhlabeni jikelele usubulele abedlula kancane inkulungwane ezine ezilamakhulu amabili, 4,264. Umkhuhlane weCoronavirus uhlasele emazweni atshiyeneyo agoqela eleSouth Africa lona elakhelane leleZimbabwe.

Ukhansila weDzivarasekwa, kuWard 39 eHarare, uMnu Thamsanqa Hadebe utshele iStudio 7 ukuthi abantu abanengi eHarare asahlalisekanga ngalumkhuhlane.

please wait

No media source currently available

0:00 0:02:41 0:00

Isikhulumeli sikahulumende uNkosikazi Monica Mutswangwa yena utshele intathelizindaba ngemva komhlanano wedale leCabinet ukuthi abantu akumelanga bethuke.

Kodwa uthe bangamakhulu phose amabili, 195 abafakwe ilihlo ngabezempilakahle ngoba beke baya emazweni alomkhuhlane lo.

Facebook Forum

XS
SM
MD
LG