amalinks wokungena

Breaking News

Uhulumende Usungula Iqula Lokulwisana Lokutshabalala Komnotho


Finance Minister Mthuli Ncube gestures during a media briefing in Harare, Zimbabwe, Oct. 5, 2018.

Uhulumende ngoLwesibili usungule iqula athi lijonge ukulwisana lokutshabalala komnotho elibizwa ngokuthi yiCurrency Stabilisation Task Force.

Inyathelo leli liza ngesikhathi idola leZimbabwe selehle isisindo okumangalisayo. Idola leMelika elilodwa selithengiswa ngamadola eZimbabwe angamatshumi amane.

Umphathintambo wezemali uMnu Mthuli Ncube utshele intathelizindaba ukuthi nguye ozakhokhela leli qula njalo amalunga alo agoqela abacebisi bakaMongameli Emmerson Mnangagwa abakugatsha lwePresidential Advisory Council lamalunga ogatsha lweMonitoring Policy Committee.

UNcube uveze njalo ukuthi amabhanga asezavunyelwa ukuthenga lokuthengisa imali yakwamanye amazwe kungelamigoqo njalo kungela kungenela kakhulu kwebhanga elikhulu lelizwe.

Wengeze wathi iqula lakhe lizaguqula imithetho ephathelane lamacala okuthenga kumbe ukuthengisa imali yakwamanye amazwe ngokungekho emthethweni ukuze izephulamthetho zijeziswe kalukhuni.

Ingcwethi kwezenotho uMnu Reggie Shoko utshele iStudio 7 ukuthi kaboni iqula likaNcube leli lisenelisa ukuvuselela umnotho welizwe nxa kungaqhubeka kungelalutho oluzwayo oluthengiswa yeZimbabwe kwamanye amazwe.

please wait

No media source currently available

0:00 0:02:24 0:00

Amazwi kaShoko agcizelelwe ngunobhala jikelele wenhlanganiso yezisebenzi iZCTU uMnu Japhet Moyo.

please wait

No media source currently available

0:00 0:02:08 0:00

Facebook Forum

XS
SM
MD
LG