amalinks wokungena

Breaking News

'Kulungile Ukuthi iMelika Ijezise Amalunga eZanu PF Aqhubeka Esephula Amalungelo Oluntu'


Lanxa ibandla leZanu PF lichothoza uhulumende weMelika ngokuqhubeka esethesa amalunga alo izijeziso zenotho, abanye bathi bayalisekela lelinyathelo.

EleMelika lazise ngoLwesithathu ukuthi selijulise ijezise elazethesa umphathintambo obona ngezabacuphi uMnu Owen Ncube lowake waba ngukhomanda webutho elilondoloza uMongameli njalo osengumeli weZimbabwe kweleTanzania uMnu Anselem Sanyatwe, lisithi bangabanye beziphathamandla zeZanu PF eziqhubeka zisephula amalungelo oluntu.

Lithi njalo uhulumende kaMongameli Emmerson Mnangagwa uqhubeka evimba abaphikisana laye ukuthi batshengisele kanti njalo wephula amalungelo oluntu ngendlela ezehlukeneyo.

Amanye amalunga edale leSenate eMelika athi manengi amalunga eZanu PF amele afakwe kuluhlu lwezijeziso.

Kodwa ilunga leZanu PF uMnu Malaki Nkomo uyakusola lokhu esithi izijeziso zeMelika lezi ziphazamisa uzulu weZimbabwe jikelele. Ngokunjalo, uthi kumele zesulwe.

“Into le isuke itshaye ilizwe, isuke itshaye abantu abadubekayo. Isuke izwise ubuhlungu abantu abanengi,” kutsho uMnu Nkomo.

Khepha isikhulumeli somkhokheli webandla leMDC, uDr. Nkululeko Sibanda ukulandule lokhu esithi izijeziso ziphazamisa labo eziqondiswe kubo kuphela.

“Okuphazamisa uzulu makhaza yikubulawa kwabantu makhaza ezitaladeni bebulawa yiZanu PF, hatshi izijeziso,” kutsho uSibanda.

please wait

No media source currently available

0:00 0:05:31 0:00

Facebook Forum

XS
SM
MD
LG