amalinks wokungena

Breaking News

Ibandla leMDC Lehlulekile Ukuthumela amaPolling Agents Kukhetho Lwamakhansila eChimanimani


MDC Zimbabwe Opposition

Uzulu weMangwe kuWard 17 loweChimanimani kuWard 16 uvotile ngoMgqibeno kukhetho lokudinga amakhansila akulezo zigaba.

Inhlanganiso yeZimbabwe Election Support Network (ZESN) ithi ukhetho lolu luqhutshwe ngokuthula kungela dlakela kumbe ukwethuselana.

Kodwa inhlanganiso le ithi ibandla leMDC lehlulekile ukuthumela ama-polling agents alo kwezinye indawo zokuvotela eChimanimani ukuze ayehlola ukuthi ukhetho lolu beluqhutshwa ngemfanelo na.

Le yinto eyenzakalayo njalo kukhetho luka2018. Asenelisanga ukukhuluma lomabhalane walelibandla okhangelane lezokhetho uMnu Jacob Mafume.

"Ibandla leZanu PF lithumele ama-polling agents alo endaweni zonke zokuvotela kodwa iMDC yona ithumele abahloli bayo endaweni zokuvotela ezintathu kuphela phakathi kwezinhlanu eChimanimani," kutsho iZESN.

IWard 17 yeChimanimani isele ingela khansila ngemva kokutshona kukaMnu Tendayi Nyabaya owebandla leZanu PF nyakenye kuthi iWard 16 yeMangwe layo isele ingela meli ngemva kokubhubha kukaMnu Clement Alfred Majahana. Laye wayengowebandla leZanu PF.

Facebook Forum

XS
SM
MD
LG