amalinks wokungena

Breaking News

Mnangagwa: Akuqondanga Ukuthi iCoronavirus Iyindlela kaNkulunkulu Yokuqalekisa iMelika Ngokusethesa Izijeziso Zenotho


Ukuchothozwa kukamphathintambo wezomvikela uNkosikazi Oppah Muchinguri-Kashiri phezu kwamazwi okuthi umkhuhlawe weCoronavirus yindlela kaNkulunkulu yokuqalekisa eleMelika ngokwethesa amalunga eZanu PF izijeziso zenotho kubangele ukuthi uMongameli Emmerson Mnangagwa angenele kuloludaba ngoMvulo ngenjongo yokubhula umlilo.

Ekhuluma labalwa impi yenkululeko abangamalunga ebandla lakhe eChinhoyi ngoMgqibelo, uNkosikazi Muchinguri-Kashiri uthe uMongameli weMelika uMnu Donald Trump umnotho weMelika usudilika ngenxa yeCoronavirus ngendlela oweZimbabwe owadibhidlizwa ngayo yizijeziso ezafakelwa iziphathamandla zeZanu PF yiMelika.

Wengeze wathi umkhuhlane lo kumele ube yisifundo kuMongameli weMelika uMnu Donald Trump esokuthi kayisuye Nkulunkulu. UTrump usanda kuqhelisa izijeziso ezetheswa amalunga eZanu PF lilizwe lakhe.

Amazwi kaMuchinguri-Kashiri asolwe kakhulu nguzulu njalo abikwa adanise abameli beMelika labamanye amazwe aphetsheya abasebenzela eZimbabwe.

Kodwa embikweni awethule ngoMvulo uMongameli Mnangagwa uthe ngeke kusolwe muntu phezu kokuqhamuka komkhuhlane lo ngoba uyimvelo njengeminye yonke imikhuhlane ebangelwa ngamagciwane.

Ngokunjalo, uthe eleZimbabwe lima lawo wonke amazwe ahlaselwe yiCoronavirus. Uthe njalo iZimbabwe ikhala lezimuli zabalahlekelwe yizihlobo labangane ngenxa yalumkhuhlane.

Lanxa kunjalo, abantu abanengi balokhu bethukuthele phezu kwamazwi kaMuchinguri­­­­­­. Omunye wabantu laba ngumqondisi weBulawayo Progressive Residents Association uMnu Ambrose Sibindi yena othi alihlazo amazwe la.

please wait

No media source currently available

0:00 0:02:46 0:00

XS
SM
MD
LG