amalinks wokungena

Breaking News

Abahlala eVictoria Falls Bakhathazwa Yimbiko Yokuthi Isethekeleli seBhilitane Satholakala sileCoronavirus


Impophoma ze Victoria Falls (Umfanekiso: C. Mavhunga/VOA)

Abahlala edolobheni leVictoria Falls bathi bakhathazekile kakhulu ngembiko kahulumende eyokuthi kulesizalwane sakweleBhilithani esethekelele kulelidolobho mhlaka 7 kulinyanga esesitholakale silomkhuhlane weCoronavirus.

Embikweni awethule izolo ntambama umphathintambo wezempilakahle uMnu Obadiah Moyo uthe isizalwane seBhilithane lesi sihlolwe sabanjwa umkhuhlane lo ngemva kokuphindela elizweni laso mhlaka10 ngeviki edluleyo. Uthi njalo bacela bonke abake bafika eduze kumbe ukuhlanga lesethekeleli lesi bazise omtholampilo.

Abazi ngokwenzakalayo bathi umuntu lo wagula eseFolosi wabizelwa udokotela kodwa wamtshela ukuthi wayehlutshwa ngamaphilisi oqhuqho, imalaria, ayewanathile.

Kodwa ukubanjwa kwakhe lumkhuhlane eNgilandi sokutshiye inengi lizibuza ukuthi umsebenzi wokuhlola igcikwane leCoronavirus elizweni ungaba uqhutshwa ngendlela yini kumbe kukhona okungahambi kahle.

UMoyo uveze njalo ukuthi kulomuntu ovele kweleChina izolo lomunye ovele eBhilithani abahanjiswe esibhedlela seWilkins ekufikeni kwabo eHarare ngoba imizimba yabo ibitshisa okwedlulise amalawulo okuhambelana lezibonelo ze coronavirus.

Wengeze wathi kulomunye njalo ohlala koBulawayo osezifake endaweni efihlakeleyo ngemva kokwamukela imbiko ethi udokotela wakhe weSouth Africa ambone ngeviki edluleyo uke wabamba isigulane esilegcikwane leCoronavirus.

Ukuze sizwe okunengi ngodaba lwesethekeleli uNtungamili Nkomo we Studio Seven uxoxe lokhansila weVictoria Falls, uMnu Ephias Mambume, othi akusela kuhlaliseka kuzulu wedolobho lakhe elihlezi livakatshelwa ngabavela kumazwe aphetsheya agoqela abangaba legcikwane leli.

please wait

No media source currently available

0:00 0:02:56 0:00


Facebook Forum

XS
SM
MD
LG