Ingcwethi kwezomnotho zithi isinqumo esithethwe nguhulumende sokumisa ukusuka ezindlini kukazulu lokuvalwa kwendawo ezitshiyeneyo kuzabangela ukugugudeka komnotho welizwe wena ovele unganxele.
Uhulumende uthi usesungule isikhwama sokuphathisa imuli ezingaba sendlaleni esingamadola ayizigidi eziyisithupha, $600 million kulandela izibopho zokuvala ilizwe.
Ingcwethi kwezomnotho uMnu. Masimba Kuchera uthi okuzabangela ukuthi umnotho ubhidlike ngamandla yikuthi ilizwe livele lisebenza ngokuthola impahla evela kwamanye amazwe.
Isikhulumeli senhlanganiso yabaphila ngokuthenga bethengisa emgwqaqweni eye Bulawayo Vendors and Traders’ Association, uMnu. Michael Mdladla Ndiweni uthi ukungavulwa kwamabhanga ngalesi sikhathi kuzabangela ukuthi umnotho ume mpo.
Isakhamuzi sako Bulawayo, uMnu. Raymond Phiri uthi ngemva kwamaviki amathathu ilizwe livaliwe kuzafunakala imali enengi kakhulu ukuze ilizwe lenelise ukuvuka kogoqwanyawo.
Ngesikhathi ilizwe lize livalwe ngokutshengisela kwalahleka imaili eyizigidi ezintathu $300 million ngelanga.