amalinks wokungena

Breaking News

Ukuvalwa Kwelizwe Kwenza Inzalo yeZimbabwe Ephila Legciwane leHIV Esebenza eSouth Africa Yehluleke Ukuthola amaARVs


Antiretroviral (ARV) medicines for HIV are displayed at a stand on December 8, 2017 in Abidjan, as part of the 19th ICASA conference (International Conference on AIDS and STIs in Africa). / AFP PHOTO / SIA KAMBOU
Antiretroviral (ARV) medicines for HIV are displayed at a stand on December 8, 2017 in Abidjan, as part of the 19th ICASA conference (International Conference on AIDS and STIs in Africa). / AFP PHOTO / SIA KAMBOU

Ezinye izizalwane zeZimbabwe eziphila legciwane leHIV ezisebenza kweleSouth Africa ebezivame ukuphathelwa amaphilisi ngomalayitsha sezithwele nzima ngoba kazisenelisi ukuthola amaphilisi azo ngenxa yokuvalwa kwamazwe womabili phezu komkhuhlane weCoronavirus.

Le yinto efaka impilo zabantu laba engozini enkulu ngoba umuntu onatha amaARVs kamelanga eqise.

Ngokunjalo, abazempilakahle bakhuthaza ukuthi kube lokukhulumisana phakathi kwabohulumende bamazwe womabili ukuze kuphathiswe abeZimbabwe laba abaseSouth Africa.

Uzulu wemaphandleni ophila legciwane leHIV labaleminye imikhuhlane etshiyeneyo labo babikwa bengasenelisi ukuthola amaphilisi abo ngemfanelo ngenxa yokuvalwa kwelizwe.

“Banengi abantu asebethwele nzima kweleSouth Africa asebephelelwa ngamaphilisi. Lokhu kubafaka engozini enkulu ngoba kabamelanga beqise,” kutsho osebenza kwezempilakahle ePlumtree uMnu Christian Dube.

please wait

No media source currently available

0:00 0:02:26 0:00

Umsakazo weStudio 7 uzamile ukukhuluma lomphathintambo obona ngezempilakahle uMnu Obadiah Moyo ngaloludaba kodwa ubengadobhi umakhalekhukhwini wakhe.

XS
SM
MD
LG