WASHINGTON D.C —
Ugatsha lukahulumende olubona ngezamanani olweZimbabwe National Statistics Agency luthi isilinganiso sokugugudeka komnotho welizwe kumbe i-inflation ngesingisi sikhwele saya ku676.39 percent ngenyanga ephelileyo sisuka ku540.16 percent ngoNhlolanja.
Lokhu kutsho ukuthi idola leZimbabwe lilahlekelwe ngamandla amanengi phakathi kwenyanga eyodwa nxa liqathaniswa lemali yakwamanye amazwe. Kutsho njalo ukuthi intengo yezinto iqonge ngesilinganiso esikhulu.
Sixoxe lengcwethi kwezenotho uMnu Masimba Kuchera yena othi ngomumo okhona, imali yeZimbabwe izaqhubeka iggugudeka.
