WASHINGTON DC —
Kuhlandla lezizalwane zeZimbabwe ezihlala kwamanye amazwe namuhla sixoxa loManager wekhefa leSilver Diner, eMelika, uMnu Mxolisi Nyathi.
UNyathi uthi lanxa belokhe bevulile, ikhefa lakhe selilahlekelwe yibhizimusi enengi kakhulu ngenxa yomkhuhlane weCoronavirus.
Uthi njalo ezinye izisebenzi zabo sezilahlakelwe yimisebenzi.
“Okwamanje sivule for i-carry out kuphela. Umumo okhona lo uyasiphazamisa kakhulu ngoba sesimise umsebenzi abantu abafika amatshumi ayisitshiyagalombili,” kutsho uMnu Nyathi.
Khepha uNyathi uthe ulethemba lokuthi lizaduma ledlule maduze izisebenzi zakhe zibuyele emsebenzini njalo abantu babuye bagcwale njalo ekhefa lakhe bezefuna ezifela emlonyeni.