amalinks wokungena

Breaking News

AbeMDC Bathi Ilanga Likazibuse Liyize, Kodwa abeZanu PF Bathi Kunengi Okokujabulela


Ibandla leMDC lithi akulalutho lokuthakazelela ngokufikisa kweZimbabwe iminyaka engamatshumi amane ithole uzibuse ngoba abantu bethwele nzima ngokudula kwezinto.

Ibandla leli lithi njalo ukusilela kwezibhedlela ezilungele umkhuhlane weCoronavirus elizweni kukhomba sobala ukwehluleka kukahulumende weZanu PF kumlandu wakhe wokuthuthukisa impilo kazulu.

EleZimbabwe lizananza ilanga likazibuse ngoMgqibelo kungela micimbi evame ukwenziwa ngenxa yeCoronavirus, yona esibulele abantu abathathu elizweni labangu 142,000 emhlabeni jikelele.

“Ilanga likazibuse kayisilo langa elizasipha impumela ngoba sithwele gadalala njalo sesilomkhuhlane weCoronavirus,” kutsho umgcinisihlalo weMDC uNkosazana Thabitha Khumalo, yena olilunga ledale lephalamende.

“Sikhuluma nje ukudla akutholakali, lapho okutholakala khona kuyadula kakhulu. Ungakhangela njalo koBulawayo asilamanzi.”

please wait

No media source currently available

0:00 0:02:36 0:00

Kodwa owake wamela isigaba seInsiza South edale linye njalo elilunga leZanu PF uMnu Malaki Nkomo uthi ilanga likazibuse leli kumele lijatshulelwe nguye wonke umuntu oyisizalwane seZimbabwe.

UNkomo uthe ubunzima uzulu abhekane labo bubangelwa yizijeziso zenotho athi zetheswa eleZimbabwe ngamazwe athuthukileyo afana leMelika ngemva kokucelwa yiMDC.

“Sifisela wonke umuntu ikhefu elihle sikhangelane lokuthi sesifikisa iminyaka engamatshumi amane sithole uzibuse,” kutsho uNkomo.

“Uzibuse lo wabuya ngemva kokuchitheka kwegazi. Ungakhangela namuhla sesilomhlabantu, sesilemigodi yokwemba ngenxa kazibuse.”

please wait

No media source currently available

0:00 0:02:41 0:00

XS
SM
MD
LG