Intathelizindaba zithi zilahlekelwe kakhulu ngokubhubha komunye wazo obelodumo uMnu Gift Phiri, yena obengumsekeli kamhleli wephephandaba leDaily News.
UPhiri ubhubhele esibhedlela eHarare izolo ngemva kokugula okwesikhathi esithile.
Inhlanganiso ezimela intathelizindaba ezigoqela iMISA Zimbabwe lezinye zithumele amazwi enduduzo emulini yakhe.
Ugatsha lukahulumende olubona ngokwethulwa kwemibiko lalo lwenze okufanayo.
UMnu Phiri wafundela ukuba yintathelizindaba ekolitshini leBusiness Environment Services (BES) koBulawayo ngomnyaka ka2001.
Wathi esuka lapho wasebenzela amaphephandaba atshiyeneyo agoqela eleTribune lamanye aphandle kwelizwe.
Akukaziwa ukuthi uzabekwa nini njalo ngaphi.
“Ngidabukile kakhulu ngoba ubengumngane wami. Silahlekelwe njengentathelizindaba kanye lelizwe nje jikelele,” kutsho owasebenza loPhiri kuphephandaba leTribune uMnu Nqobizitha Mnkandla.
