Olwela ilungelo likazulu, uMnu. Josphat Mzaca Ngulube, okwezombusazanwe njalo, uthi ikhona inkokheli yebandla elibusayo ko Bulwayo efuna evalelwe ejele ukuze engenelisi ukuncintisana layo kukhetho oluzayo.
UMzaca Ngulube labanye bakhe abahlanu bagwetshelwa ukuhlala entilongweni okweminyaka eyisikhombisa besetheswa icala lokutshisa imota zesiphathamandla sebandla le Zanu PF.
Kodwa isimanga yikuthi bevalelwe ejele leKhami iziphathamandla zejele leli zathi kumele besiwe ejele le Harare lapho abakade bekhona okwenyanga ezifika phose ezinhlanu.
Bakhweza loludaba emthethwandaba we Supreme Court lapho abaphiwa khona ithuba lokuhlawaul imali yesibambiso sebail.
Sixoxe lo Mzaca Ngulube ukuze size imbono yakhe ngokubotshwa kwakhe lanxa yena wayelobufakazi bukamabonakude obutshengisa ukuthi wayesemfeni ngesikhathi imota zitshiswa elokitshini le Sizinda ko Bulawayo.
