amalinks wokungena

Breaking News

Zanu PF: Labo Abathi uMnangagwa Lomdeni Wakhe Bakhohlakele Basop!


Ibandla leZanu PF ngoLwesine lethusele uzulu weZimbabwe jikelele kanye lentathelizindaba lisithi kumele batshiyane lokwethesa uMongameli Emmerson Mnangagwa lemuli yakhe umlandu wokuphatheka kumisebenzi yenkohlakalo.

Lokhu kulandela imbiko yokuthi uhulumende wapha inkampani elobudlelwano lendodana kaMnangagwa, uMnu Collins Mnangagwa, umsebenzi wokudingela ilizwe izinto zokusebenzisa emizameni yokulwisana leCoronavirus wayihlawula US$1 million.

Inkampani yeDrax International ibikwa yabhadalisa uhulumende iUS$28 ukuthenga imask eyodwa yona ibiza amadola aphansi kwamahlanu, US$5 kuphela.

Uhulumende uyakulandula lokhu njalo loCollins Mnangagwa laye uthi kalabudlelwano layo linkampani.

Isikhulumeli sebandla leZanu PF uMnu Patrick Chinamasa utshele intathelizindaba ukuthi abantu abaqhubeka besethesa uMnangagwa lomndeni wakhe umlandu wenkohlakala laba kumele baqaphele.

Uqambe intathelizindaba uHopewell Chin’ono ngegama esithi ngomunye wabamemethekisa limbiko.

UChin’ono uphendule uChinamasa enkundleni yeTwitter esithi ukumethusela akusoze kumthulise. Ngokunjalo, uthe uzaqhubeka eveza inkohlakalo elizweni.

UMnu Chinamasa uphinde wasola njalo udaba lokubulawa konsundu lipholisa elimhlophe eMelika uMnu George Floyd esithi amazwi akhe awamemeza esifa ewokuthi “angisenelisi ukuphefumula” afana lamazwi akhulunywa ngamazwe etheswe izijeziso yiMelika afana leZimbabwe, iVenezuela, Iran lamanye.

Ingcwethi ecubungula ezombusazwe uMnu Effie Dlela Ncube usole amazwi kaChinamasa esithi uzulu, intathelizindaba kanye lalabo abalwisana lenkohlakalo akumelanga bavume ukwethuselwa yiZanu PF.

please wait

No media source currently available

0:00 0:02:53 0:00

Facebook Forum

XS
SM
MD
LG