amalinks wokungena

Breaking News

Uhulumende Uthi oMamombe Balamanga Ukuthi Bathunjwa, iMDC Alliance Yona Ithi Ifuna Uphenyo Oluzimeleyo


Umphathintambo obona ngendaba zasekhaya uMnu Kazembe Kazembe uthi akula bufakazi obuveza ukuthi iziphathamandla zebandla leMDC Alliance ezintathu zesifazana zathunjwa njalo zahlukuluzwa.

Ekhuluma lentathelizindaba ngoLwesine, uMnu Kazembe Kazembe uthe oNkosazana Joana Mamombe, uCecilia Chimbiri loNetsai Marova baqamba amanga ukuthi bathunjwa ngoba besebenza lezitha emizameni yokungcolisa uhulumende weZanu PF.

UMamombe labanye bakhe bathi bathunjwa ngenyanga edluleyo besezandleni zamapholiseni eHarare ngabantu abacatshangelwa ukuthi ngamaCIO bayatshaywa njalo bahlukuluzwa ngokocansi.

Sikhuluma nje, balokhu belaliswe esibhedlela. Kodwa uMnu Ziyambi uthe bayazenzisa. Uthe njalo abala ngitsho lamanxeba.

Wengeze wathi kuvamile ukuthi ibandla leMDC liqambe amanga ngokuthunjwa kwabantu; waqamba uMnu Peter Magombeyi, umkhokheli weMDC Alliance uMnu Nelson Chamisa, umahlekisa uGonyethi loMnu Evan Mawarire, yena ongumfundisi, esithi ngabanye babantu asebeke baqamba amanga ngokuthi bathunjiwe kumbe batshayiwe ngamaCIO.

Kodwa kaqambanga uMnu Itai Dzamara labanye asebeleminyaka banyamalala abanakanelwa ukuthi babulawa nguhulumende.

Isikhulumeli sebandla leMDC Alliance uNkosazana Fadzai Mahere usole amazwi kaMnu Kazembe esithi ibandla lakhe lifuna udaba lolu luphenywe liqula elizimeleyo ukuze kuphume iqiniso.

Amazwi akhe agcizelelwe ngumgcinisihlalo walelibandla enyakatho yeMandebeleni uMnu Prince Dubeko Sibanda.

please wait

No media source currently available

0:00 0:02:25 0:00

Facebook Forum

XS
SM
MD
LG