amalinks wokungena

Breaking News

Ukudlephana Phakathi kukaChamisa loMaKhupe Kuyaqhubeka


UNkosazana Thokozani Khupe loMnu Nelson Chamisa.

Ukulwisana lokufuthelana phakathi kwabakhokheli bamacele ebandla leMDC, uMnu Nelson Chamisa loNkosazana Thokozani Khupe kuyaqhubeka.

UMaKhupe, ongumkhokheli weMDC-T uthi ibandla lakhe selixotshe umholi weMDC Alliance uChamisa kuthi abebandla likaChamisa bona bathi uMakhupe uyazikhohlisa.

NgoLwesithathu ibandla likaChamisa libe lomhlangano laphuma lezinqumo ezigoqela esokuthi kalisoze liguqule ibizo lalo lokuthi MDC Alliance.

Linqume njalo ukuthi amalunga alo asengabuyela lephalamende ngemva kokukhalala ukuya kulelidala phose okwenyanga. Kodwa esakhalele ukuya kulelidale, amanye ebehamba ephalamende.

Amalunga la anakanelwa ukuthi asekela uMaKhupe, yena ohambe engcwabeni likaMnu Morgan Tsvangirai labanye bakhe abagoqela uMnu Douglas Mwonzora bayathethela kunsukwana ezedluleyo becela idlozi likaTsvangirai ukuthi libaphathise kuzimpi zabo loChamisa.

Le yinto echothozwe ngabanengi besithi ilihlazo.

Ukuhlaziya loludaba sixhume umgcinisihlalo weMDC kaMaKhupe eMelika uMnu Den Moyo lesiphathamandla seMDC Alliance uMnu Tim Muringai onguye osungula lingxoxo.

please wait

No media source currently available

0:00 0:07:04 0:00

Facebook Forum

XS
SM
MD
LG