amalinks wokungena

Breaking News

UBiti Lezinye Iziphathamandla zeMDC Alliance Bamiswe Enkantolo Bakhululwa Ngemali Yesibambiso


MDC Nelson Chamisa and Biti In Chinhoyi

Iziphathamandla zeMDC Alliance ezibotshwe izolo zimiswe emthethwandaba namuhla zisetheswa icala lokwephula imigoqo yokwenqabela ukumemetheka kweCoronavirus lelokungaziphathi, i-criminal nuisance.

Iziphathamandla lezi zigoqela abasekeli bomkhokheli webandla leli ababili, uMnu Tendai Biti loNkosikazi Lynett Karenyi-Kore.

Ababili laba babotshwe ndawonye lezinye iziphathamandla ezibalisa uNkosazana Gladys Hlatshwayo, uLovemore Chinoputsa, uVongai Tome loWomberai Nhende, yena ongenelisana ukuya enkantolo ngoba elaliswe esibhedlela ngemva kokutshaywa ngamapholisa.

Umantshi ubakhulule ngemali yesibambiso, ibail, engena kunkulungwane eyodwa yamadola umuntu ngamunye.

Iziphathamandla lezi zibotshwe ngesikhathi zizama ukungena esigodlweni seMDC eseHarvest House ngemva kokuhluthunwa kwaso ngumkhokheli weMDC-T uNkosazana Thokozani Khupe encediswa ngamasotsha lamapholisa phakathi kobusuku ngoLwesine.

Umsekeli wesikhulumeli seMDC Alliance uDr Felix Magalela Mafa Sibanda utshele iStudio 7 ukuthi sokusobala kubo ukuthi iMDC-T isebenza leZanu PF.

please wait

No media source currently available

0:00 0:02:40 0:00

Isikhulumeli sikaMaKhupe uMnu Khaliphani Phugeni yena uthe ubengenelisi ukukhuluma lalumsakazo namuhla ngoba ungena isonto yesabatha.

Kodwa umgcinisihlalo weMDC-T eMelika uMnu Den Moyo uthi kungamanga ukuthi badla leZanu PF.

please wait
Embed

No media source currently available

0:00 0:02:37 0:00

Ibandla leZanu PF lona lithi kalilani lokwenza lezimpi zeMDC.

Facebook Forum

XS
SM
MD
LG