amalinks wokungena

Breaking News

Uhulumende Wesula Ubudlelwano Bakhe leDrax International Ngemva Kokuchaywa Kwenkohlakalo


Uhulumende sequme ubudlelwano bakhe lenkampani ebikwa isebenzelana lendodana kaMongameli Emmerson Mnangagwa eyeDrax International kulandela ukukhonona kukazulu phezu kwendlela linkampani eyaphiwa ngayo umsebenzi wokudingela ilizwe izinto zokusebenzisa kumizamo yokwenqabela ukumemetheka kwegciwane leCoronavirus.

Inkampani le yayizabhadalwa izigidi zamadola eMelika angamatshumi ayisithupha, US$60 million.

Okwamanje ibikwa ibisibhadalwe isigidi esisodwa, US$1 million ukuze idingele ilizwe amalenjana okuvala amakhala lomlomo, ama-mask.

Kodwa uzulu ukhonone kakhulu ngemva kokuba kuvele ukuthi yahlawulisa uhulumende imali engangeUS$28 yokuthenga i-mask inye yona ithengiswa ngemali ephansi kweUS$5.

Inkundla yeZimLive.com, eyiyo eyaqala ukwethula loludaba, ithi inkampani le yaphiwa umsebenzi lo kungalandelwanga umthetho ngoba ayikho kumankampani aqhatshwe nguhulumende phansi kweProcurement Regulatory Authority of Zimbabwe.

Incwadi ebonwe yiStudio 7 iveza ukuthi unobhala kugatsha lwezempilakahle uMnu Gibson Mhlanga uqume bonke ubudlelwano bukahulumende leDrax International ngeviki edluleyo.

Ukuhlaziya lludaba sixhume isiphathamandla senhlanganiso elwela amalungelo oluntu eyeIbhetshu likaZulu uMnu Mbuso Fuzwayo yena othi lokhu kuveza sobala inkohlakalo ekhona kuhulumende.

please wait

No media source currently available

0:00 0:02:07 0:00

Facebook Forum

XS
SM
MD
LG