amalinks wokungena

Breaking News

Ukwala Kwebutho Ukuthi Lifuna Ukugenqula uMnangagwa Kuphehla Imibuzo Eminengi


Soldiers beat a supporter of the opposition Movement for Democratic Change party of Nelson Chamisa outside the party's headquarters as they await the results of the general elections in Harare, Zimbabwe, Aug. 1, 2018.

Imbiko yogatsha lwezomvikela, olweJoint Operations Command, oluyethule izolo eyokuthi kungamanga ukuthi amabutho aqoqa ukugenqula umbuso kaMongameli Emmerson Mnangagwa, itshiye abantu abanengi bezibuza imibuzo eminengi.

Umphathintambo wendaba zasekhaya uMnu Kazembe Kazembe, utshele intathelizindaba ngoLwesithathu ukuthi imbiko le isigcwele ndawana yonke.

Wengeze wathi imemethekisa yizitha zeZanu PF ezigoqela intathelizindaba, abamasonto, abenhlanganiso ezizimeleyo, abamabandla aphikisayo abafana loMnu Job Sikhala owebandla leMDC Alliance kanye lowake waba yisiphathamandla seZanu PF, uMnu Savior Kasukuwere.

Okumangalise abanengi yikuthi imbiko le bebeyizwa okwakuqala izolo lanxa nje uKazembe esithi yimbiko esimemetheke kakhulu elizweni.

UMnangagwa yena, ekhuluma emhlanganweni weZanu PF Politburo ngoLwesithathu, uchothoze amabandla aphikisayo, amazwe aphetsheya kanye labosomabhizimusi esithi bazama ukugenqula umbuso wakhe.

Kodwa kazange alulokothe udaba lwenkohlakalo oluphatha indondana yakhe lenkampani yeDrax international, yona equnyelwe ubudlelwano nguhulumende ngemva kokuba kuvele ukuthi uhulumende wayeqhatshe inkampani le engalandelanga umthetho wayihlawula US$1 million ukuthi imdingele izinto zokuzivikela kumkhuhlane weCoronavirus.

Ilunga lebandla eliphikisayo leMDC Alliance uMnu Edwin Ndlovu utshele iStudio 7 ukuthi umbiko wabezomvikela lo ungaba uveza sobala ukuthi ngempela ikhona imizamo yokugenqula umbuso kaMnangagwa.

please wait

No media source currently available

0:00 0:02:38 0:00

Kodwa isiphathamandla sebandla elibusayo leZanu PF uMnu Believe Gaule yena uthe abangaba bezama ukugenqula uMnangagwa ngabamabandla aphikisayo katshi amabutho.

please wait

No media source currently available

0:00 0:02:45 0:00

Facebook Forum

XS
SM
MD
LG