amalinks wokungena

Breaking News

Ayidlule iCoronavirus Abantu Bakholise Amalungelo Engibapha Wona, Kutsho uMnangagwa


UMongameli Emmerson Mnangagwa ngesikhathi ephendulana labantu eKuwadzana ngoLwesihlanu.

UMongameli Emmerson Mnangagwa uthi ilizwe lizavulwa kancane-kancane njalo uthi abantu abazisebenzayo abagoqela abaphila ngokuthengisa kumele babhalise kuhulumende ukuze bavunyelwe ukuvula amabhizimusi abo.

Kodwa uthi okwamanje ukuvalwa kwelizwe ngenjongo yokuvikela ukumemetheka kweCoronavirus kuzaqhubeka kukuzinga lesibili (Level 2).

Embikweni awethule kumabonakude ngoLwesihlanu, uMnangagwa uxwayise uzulu ukuthi eqhubeke ethatha amanyano okuzivikela agoqela ukuvala amakhala lomlomo ngama-mask emphakathini kanye lokugeza izandla sikhathi sonke.

Uthe abantu kumele baphume ezindlini kuphela nxa kulesidingo esiqinileyo.

Wengeze wathi amabasonto sobevunyelwa ukukhonza, kodwa imibuthano yabo kumele ibe phansi kwabantu abangamatshumi amahlanu.

UMnangagwa uthe njalo abanikazi bezindlu sebevunyelwa ukuhlawulisa amaloja i-rent ebingabhadalwa kunyanga ezimbili ezedluleyo.

Ubonge eleChina ngokuqhubeka liphathisa eleZimbabwe ngezinto zokusebenzisa ukuzivikela kumkhuhlane weCovid-19.

Kodwa kazange aluphathe udaba lokutshaphazwa kwemali kahulumende yinkampani ebikwa ilobudlelwano lemuli yakhe eyeDrax International.

Kudaba olutshiye abanye bekhuza umhlola, uMnangagwa uthe umkhuhlane lo kumele udlule ukuze abantu bakholise amalungelo abawaphiwa nguhulumende wakhe agoqela ukukhuluma yiloba yini abakufunayo lokuvota kukhetho olukhululekileyo.

Ingcwethi kwezombusazwe uMnu Zenzele Ndebele utshele umsakazo weStudio 7 ukuthi lokhu kuyamangalisa ngoba ukwephulwa kwamalungelo oluntu nguhulumende kaMnangagwa kwaqala kudala iCoronavirus ingakafiki.

please wait

No media source currently available

0:00 0:02:45 0:00

Facebook Forum

XS
SM
MD
LG