WASHINGTON DC —
Inani labantu asebebanjwe umkhuhlane weCoronavirus likhwelile njalo izolo ntambama laya ku391 ngemva kokufunyanwa kwabantu abane abavele kweleSouth Africa belomkhuhlane lo.
Ugatsha lwezempilakahle luthi inani labantu asebesindile lalo selikhwelile laya kumatshumi ayisithupha lambili, 62, ngemva kokusila kwabantu abayisitshiyangalombili.
Asebebulewe yilumkhuhlane bona balokhu bebane.
Idolobho leHarare yilo elihamba phambili ngabantu abalikhulu lamatshumi amahlanu, 150, abaleCoronavirus lilandelwa yiMasvingo yona elabantu abangamatshumi amahlanu kuzobuya isabelo seMatabeleland South ngabantu abangamatshumi phose amahlanu, 46.
Phose bonke ababanjwa umkhuhlane lo kulezinsuku ngabavele kweleSouth Africa.