amalinks wokungena

Breaking News

Sebengu-401 Abantu Asebebanjwe Umkhuhlane weCoronavirus eZimbabwe


Coronavirus, Zimbabwe
Coronavirus, Zimbabwe

Inani lasebebanjwe umkhuhlane weCoronavirus likhwelile njalo izolo laya ku401 ngemva kokufunyanwa kwabantu abalitshumi abavele kweleSouth Africa belawo lumkhuhlane.

Phakathi kwabalitshumi laba abayisithupha ngabeHarare, ababili ngabakoBulawayo, oyedwa ngoweMashonaland West kuthi oyedwa njalo ngoweMidlands.

Ugatsha lwezempilakahle luthi inani labantu asebesindile lalo selikhwelile laya kumatshumi ayisithupha lantathu, 63. Asebefile balokhu bebane.

Idolobho leHarare yilo elihamba phambili ngabantu abalikhulu lamatshumi phose ayisithupha, 156, abalomkhuhlane lo, lilandelwa yiMasvingo elabantu abangamatshumi amahlanu kuzobuya isabelo seMatabeleland South sona esilabantu abangamatshumi phose amahlanu, 46.

Bonke ababanjwa umkhuhlane lo kulezinsuku ngabantu abavela kweleSouth Africa.

Emhlabeni jikelele umkhuhlane lo subulele abantu abangu-445, 762 njalo wahlasela abangu-8,2 million.

XS
SM
MD
LG