amalinks wokungena

Breaking News

UMaKhupe Uxotshise Amanye Njalo Amalunga eMDC Alliance Ayisitshiyangalombili Ephalamende


UMnu Nelson Chamisa loNkosazana Thokozani Khupe

Ibandla leMDC-T elikhokhelwa nguNkosazana Thokozani Khupe ngoLwesithathu lixotshise amanye njalo amalunga eMDC Alliance kaMnu Nelson Chamisa ayisitshiyangalombili, 8, kudale leSenate.

Lokhu kukhuphule inani lamalunga ebandla likaChamisa asexotshiswe nguMaKhule ephalamende laya kumatshumi amabili lanye, 21.

Abaxotshiweyo ngoLwesithathu bagoqela uMeliwe Phuti, uPhyllis Ndlovu, uHebert Sinampande, uHelen Mpofu, uSiphiwe Ncube, uKerencia Chabuda, uTapfumanei Muzoda loMnu Gideon Shoko.

UMnu Shoko utshele iStudio 7 ukuthi ukuxotshwa kwabo edale leSenate akusoze kubehlukanise leMDC Alliance loMnu Chamisa.

please wait

No media source currently available

0:00 0:01:28 0:00

Amazwi kaShoko agcizelelwe ngumsekeli wesikhulumeli seMDC Alliance uMnu Felix Magalela Mafa Sibanda, yena osole kakhulu uMaKhupe lebandla lakhe.

please wait

No media source currently available

0:00 0:02:01 0:00

Kodwa isikhulumeli seMDC-T uMnu Khaliphani Phugeni othi balelungelo lokuxotshisa amalunga la ephalamende ngoba ekhethe ukuma loChamisa wona engawebandla likaMaKhupe.

please wait

No media source currently available

0:00 0:02:26 0:00

Ibandla leZanu PF lona liyakulandula ukuthi yilo elisebenzisa iMDC-T ukuxotsha amalunga eMDC Alliance ephlamende lisithi le ngeyomndeni engelani lalo.

Facebook Forum

XS
SM
MD
LG