amalinks wokungena

Breaking News

Ayisuye Obadiah Moyo Yedwa Okhohlakeleyo Kuhulumende, Banengi Abamele Baxotshwe, Kutsho Uzulu


Zimbabwe's new health minister, Obadiah Moyo, telling reporters cholera that poor water supply, blocked sewers, and a failure to collect waste were making a cholera outbreak in the capital, Sept. 11, 2018.

Lanxa uzulu esamukela ukuxotshwa umsebenzi kobengumphathintambo wezempilakahle uMnu Obadiah Moyo phezu kwecala lenkohlakalo, inengi lithi zinengi iziphathamandla zikahulumende ezimele zixotshwe lazo nxa uMnangagwa Emmerson Mnangagwa ezimisele ukulwisana lokungethembeki.

UMoyo uxotshwe nguMnangagwa ngoLwesibili ngemva kokubotshelwa icala lokupha inkampani yeDrax international umsebenzi wokudingela ilizwe izinto zokusebenzisa ukuvikela umkhuhlane weCovid-19 engalandelanga umthetho.

Inkampani le ibikwa yahuquluza imali kahulumende engena kuzigidi ezimbili ngokumthengisela ama-mask ngemali ephezulu kakhulu lanxa yayiwathenge ngamali ephansi.

Isiphathamandla salinkampani uDelish Nguwaya, yena obikwa elobudlelwano lendodana kaMnangagwa, uCollins, wabotshwa laye phezu kwaloludaba.

Ukhululwe ngoLwesibili ngemali ye-bail. UCollins yena uyakulandula ukuthi ulobudlelwana loNguwaya. UMnu Moyo ukhangelelwe ukumiswa enkantolo ekupheleni kwenyanga.

Olwela amalungelo oluntu uMnu Difa Dube uthi nxa uMnangagwa ezimisele ukuqeda inkohlakalo kumele axotshe zonke iziphathamandla ezikhohlakeleyo kuhulumende wakhe njalo kubotshwe bonke abaphatheka kudaba lweDrax International.

please wait
Embed

No media source currently available

0:00 0:02:28 0:00

Facebook Forum

XS
SM
MD
LG