amalinks wokungena

Breaking News

Liyanda Inani Labantu Ababotshwa Ngecala Lokuthuka uMnangagwa, Okugoqela Amapholisa


Liyanda inani labantu ababotshelwa amacala okweyisa kumbe ukuthuka uMongameli Emmerson Mnangagwa, okugoqela amapholisa.

Kumaviki ambalwa edluleyo uMnu Shungudzemoyo Kache olipholisa, ubotshwe wamiswa enkantolo esetheswa icala lokuthuka uMnangagwa esithi ufana le-condom esebenzileyo.

Kuliviki kumiswe elinye njalo ipholisa emthetwandaba uMnu Milton Murairwa laye esetheswa umlandu wokuthuka uMongameli Mnangagwa ngamazwi okuthi sokumele ehle embusweni ngoba esehlulekile ukubusa kuhle.

Ukhansiwa weMDC eMasvingo uMnu Godffrey Kurauwone laye ukhululwe yinkantolo yeHigh Court izolo ngemva kokubotshelwa icala elifanayo.

UKurauwone ubikwa wathuka uMnangagwa ngamazwi okuthi sokumele asuswe embusweni ngoba esehlulekile.

Izolo osakhulayo olwela amalungelo oluntu uNkosazana Namatai Kwekweza ubotshwe okwesibili ngemva kokutshengisela esola imizamo kahulumende yokuguqula isisekelo sombuso.

Ukubala yikuthanda ngoba banengi abantu asebebotshiwe lonyaka ngecala lokuthuka uMnangagwa lanxa wathi engena embusweni wathembisa ukuthi uzavumela abantu ukukhuluma abakufunayo.

Igqwetha elilwela amalungelo oluntu uMnu Jabulani Ndlovu uthi uMnangagwa wenza xathu okwakusenziwa ngumuyi uMnu Robert Mugabe.

Lanxa sehlulekile ukukhuluma lomphathintambo obona ngokwethulwa kwemibiko uNkosikazi Monica Mutsvangwa, uhulumende uhlezi esithi uMnangagwa uyawahlonipha amalungelo oluntu ngokugcweleyo.

please wait

No media source currently available

0:00 0:03:38 0:00

Facebook Forum

XS
SM
MD
LG