amalinks wokungena

Breaking News

Inani Lasebebulewe yiCoronavirus eZimbabwe Selikhwele Laya Ku-26


Unkosazana Esther Vongai Zimudzi womkhankaso we Present-Danger #Coronavirus Zimbababwe Campaign
Unkosazana Esther Vongai Zimudzi womkhankaso we Present-Danger #Coronavirus Zimbababwe Campaign

Inani labantu asebebulewe ngumkhuhlane weCoronavirus eZimbabwe likhwelile njalo izolo laya kumatshumi amabili lasithupha, 26, ngemva kokubhubha komuntu oyedwa.

Ugatsha olubona ngezempilakahle luthi umufi ngowesifazana obehlala enyakatho yeMatabeleland obeseleminyaka yokuzalwa engamatshumi ayisikhombisa lanye, 71.

Luthi njalo kubonakale ukuthi udliwe ngumkhuhlane lo evele esetshonile.

Abantu ababanjwe iCoronavirus izolo bona balikhulu lambili, 102. Abalitshumi lasitshiyangalombili babo ngabavele kweleSouth Africa.

Ababili ngabavele kweleBotswana kuthi oyedwa uvele kweleChina. Abangamatshumi ayisitshiyangalombili lanye ngababambe umkhuhlane lo beseZimbabwe.

Lokhu kukhweze inani lasebebanjwe lumkhuhlane elizweni laya kunkulungwane elamakhulu ayisikhombisa letshumi elilodwa lantathu, 1713.

Ababanjwa lumkhuhlane kulezinsuku bagoqela izisebenzi zamankampani atshiyeneyo kanye lalabo amasebenza ezibhedlela.

Emhlabeni jikelele iCovid-19 isibulele abantu abangu-608,487 njalo yahlasela abedlula kancane izigidi ezilitshumi lane, 14,6 million.

Ezwekazi leAfrica umkhuhla lo usubulele abantu abangu-15,169 njalo wahlasela abangu-721,563.

XS
SM
MD
LG