amalinks wokungena

Breaking News

EleMelika Libiza Umeli weZimbabwe Ukuthi Azechasisa Amazwi kaChinamasa


Umnumzana Tibor P. Nagy, unobhala obona ngobudlelwano beMelika lamazwe awezwekazi leAfrica

Uhulumende weMelika ngoLwesibili ubize umeli weZimbabwe kulelolizwe uMnu Amon Mutembwa kulandela ukuthukwa komeli walo eHarare uAmbassador Brian Nichols yisikhulumeli seZanu PF uMnu Patrick Chinamasa esithi uyisidlova esiphehla udlakela eZimbabwe.

UChinamasa utshele intathelizindaba ngoMvulo ukuthi uNichols usebenza lebandla leMDC Alliance lezinye izitha emizameni yokugenqula uhulumende weZanu PF ngohlelo lokutshengisela mhlaka 31 kulinyanga.

Uthe njalo balakho ukuxotsha uAmbassador Nichols elizweni.

Unobhala obona ngobudlelwano bukahulumende weMelika lamazwe eAfrica uMnu Tibor Nagy usole amazwi kaChinamasa enkundleni yeTwitter esithi lanxa engabamangalisi, abakwamukeli ukuthukwa kukaNichols.

Ngokunjalo, uthe sebebize umeli weZimbabwe ukuthi azechasisa okwenzakalayo.

Umgcinisihlalo wekhomithi yephalamende yeMelika ebona ngokudlelana lamanye amazwe uMnu Eliot Engel laye wethule amazwi esekela uAmbassador Nichols esithi wenza umsebenzi omuhle wokukhuthaza umbuzo okhululekileyo eZimbabwe.

Ukuhlaziya loludaba sixoxe lengcwethi kwezombusazwe uMnu Effie Dlela Ncube yena othe amazwi kaChinamasa azambazamisa imizamo yokuvuselela ubudlelwano phakathi kwamazwe womabili.

please wait

No media source currently available

0:00 0:02:07 0:00

Asenelisanga ukukhuluma lesikhulumeli sikahulumende ngaloludaba. Kodwa isikhulumeli seZanu PF uMnu Tafadzwa Mugwadi utshele lumsakazo ukuthi bama ngamazwi kaChinamasa.

Facebook Forum

XS
SM
MD
LG