amalinks wokungena

Breaking News

Amazwi kaChinamasa Asephehle Ukufuthelana Okukhulu Elizweni


Sokuqhamuke ukufuthelana okukhulu elizweni phambilini kokutshengisela okuqoqwa ngabanye ngoLwesihlanu kulandela amazwi esikhulumeli seZanu PF uMnu Patrick Chinamasa awokuthi abasakhulayo bebandla lakhe abamelanga bagoqe izandla bevumela ukutshengisela lokhu.

Kule-video njalo esigcwele enkundleni zokuxhumana eveza abasakhulayo abavunule impahla zebandla leZanu PF abathwele ingqamu lemvubu besithi labo abazaphatheka ekutshengiseleni lokhu bazabatshengisa izibunu zenyoka.

Umphathintambo obona ngendaba zasekhaya uMnu Kazembe Kazembe laye wethule amazwi namuhla esithi uhlelo lolu alukho emthethweni.

Amapholisa athi aphakathi kokudinga amalunga eMDC Alliance agoqela uMnu Job Sikhala labanye phezu kokutshengisela lokhu esithi baphehla udlakela.

Kodwa umsekeli wesikhulumeli sebandla leli uMnu Felix Magalela Mafa Sibanda uthi iZanu PF yiyo efuna ukuqala udlakela.

"IZanu PF ifuna ukwenza iZimbabwe iRwanda leBurundi, thina njengeMDC Alliance ayisithi esiqoqa ukutshengisela lokhu kodwa siyabasekela abathi bafuna ukutshengisela ngokuthula," kutsho uMnu Mafa.

please wait

No media source currently available

0:00 0:02:00 0:00

Ilunga leZanu PF uMnu Believe Gaule yena othi uChinamasa labasakhulayo bebandla lakhe laba abaphume bethwele imihedla besethusela uzulu balungile ngoba iMDC Alliance izama ukuqala impi elizweni.

please wait

No media source currently available

0:00 0:02:01 0:00

Facebook Forum

XS
SM
MD
LG