amalinks wokungena

Breaking News

Liqhubeka Likhuphuka Inani Lababulawa yiCovid-19 eZimbabwe


Coronavirus, Zimbabwe

Inani lasebebulewe ngumkhuhlane weCovid-19 eZimbabwe likhwelile njalo izolo laya kumatshumi ayisithupha lasikhombisa, 67, ngemva kokubhubha kwabantu abalitshumi lane, 14.

Ugatsha lwezempilakahle luthi abantu laba babhubhe kusukela mhlaka 26 kusiya kumhlaka 31 kunganya esisanda kuphuma kuyo.

Abalitshumi babo ngabeHarare kuthi oyedwa ngowakoBulawayo. Omunye njalo ubehlala eManicaland kuthi ababili yizakhamizi zeMashonaland West.

Idolobho leHarare yilo elihamba phambili ngabantu asefine, abangamatshumi amathathu lanye, 31, lilandelwa ngelakoBulawayo lona elilamatshumi phose amabili, 18.

Ababanjwe lumkhuhlane izolo njalo bangamatshumi phose ayisitshiyangalombili, 77.

Lokhu kukhweze inani lasebebanjwe isifo lesi ledlula inkulungwane ezintathu, 3169.

Isiphathamandla senhlanganiso yeBulawayo Vendors & Traders Association uMnu Michael Mdladla Ndiweni utshele iStudio 7 ukuthi umkhuhlane lo umemetheka lula ngoba abantu batshona beminyene kundwendwe zamabhanga bedinga imali lasemabhasini.

please wait

No media source currently available

0:00 0:02:01 0:00

Facebook Forum

XS
SM
MD
LG