amalinks wokungena

Breaking News

Kukhunjulwa Ababulawa Libutho Ngo2018 Izeluleko zeMotlanthe Commission Zilokhu Zingakagcwaliswa


Soldiers beat a supporter of the opposition Movement for Democratic Change party of Nelson Chamisa outside the party's headquarters as they await the results of the general elections in Harare, Zimbabwe, Aug. 1, 2018.

Uzulu ngoMgqibelo ubekhumbula abantu abayisithupha abadutshulwa babulawa libutho ngalolusuku ngo2018 kudlakela olwaqhamuka ngesikhathi sokutshengisela abanye besithi iZimbabwe Electoral Commission yayisiphuzile ukwethula impumela yokhetho.

Abalwela amalungelo oluntu abafana labeZimbabwe Peace Project bathi okudanisayo yikuthi izeluleko ezethulwa yikhomishini eyaphenya isehlakalo lesi, eyeMotlanthe Commission ezifana lokuthi amabutho kumele abuyele enkambeni zawo azikalandelwa ngoba alokhe enyakazela ezitaladeni ehlukuluza uzulu.

Lokhu kugcizelelwe yizigodlo zamazwe agoqela eleNetherlands leleMelika, zona ezithi imuli zabantu abafayo lazo zilokhe zingakahlawulwa kanti labasotsha abulala abantu laba alokhe engakajeziswa.

Kodwa umphathuntambo obona ngokwethulwa kwemibiko uNkosikazi Monica Mutswangwa utshele iStudio 7 ukuthi uhulumende uphakathi kokuzigcwalisisa zonke izixwayiso zeMotlante Commission.

Wengeze wathi amabutho asezitaladeni ngesizatho sokwehlisa ukumemetheka kweCoronavirus.

Khepha igqwetha uMnu Jabulani Ndlovu uthi uhulumende kaMongameli Emmerson Mnangagwa usekuvezile kwacaca ukuthi akawahlaniphi amalungelo.

please wait

No media source currently available

0:00 0:02:33 0:00

Facebook Forum

XS
SM
MD
LG