amalinks wokungena

Breaking News

UTsitsi Dangarembwa, uFadzai Mahere Labanye Bamiswe Enkantolo Besetheswa Icala Lokuphehla Udlakela


Zimbabwe Magistrates Court

Abanye babantu ababotshwe izolo ngemva kokuphatheka kuhlelo lokutshengisela abagoqela isikhulumeli sebandla leMDC Alliance uNkosazana Fadzai Mahere lomlobi odumileyo uNkosikazi Tsitsi Dangarembwa bamiswe emthethwandaba weHarare ngoMgqibelo besetheswa icala lokuphehla udlakela lokutshengisela ngaphandle komthetho.

Umantshi ubakhulule ngemali yesibambiso i-bail ezinkulungwane ezinhlanu umuntu ngamunye.

Inhlanganiso yeZimbabwe Lawyers for Human Rights ithi kubotshwe abantu abangamatshumi edlula ayisithupha phezu kokutshengisela lokhu.

KoBulawayo khona inkantolo yeHigh Court ilaye amapholisa ukuthi aveze uMnu Tawanda Muchehiwa kungakedluli amahola angamatshumi ayisikhombisa lambili, 72 hours.

UMuchehiwa ubikwa ethethwe ngamapholisa ngoLwesine njalo kuze kube namuhla akakasiwa emthethwandaba njalo akwaziwa ukuthi ungaphi.

Umsekeli wesikhulumeli seMDC Alliance uMnu Felix Magalela Mafa Sibanda usole ukubotshwa kwabantu laba esithi yikwephula amalungelo abo.

please wait

No media source currently available

0:00 0:01:13 0:00

Kodwa ilunga leZanu PF uMnu Believe Gaule uthe uhulumende kasoze agoqe izandla ebukela abamabandla aphikisayo bephehla udlakela ngenjongo yokumgenqula embusweni.

please wait

No media source currently available

0:00 0:01:06 0:00

Facebook Forum

XS
SM
MD
LG