amalinks wokungena

Breaking News

Owayethunjiwe Watholakala Emanxebanxeba uTawanda Muchehiwa Kumele Ayovezwa Emthethwandaba Namuhla


UTawanda Muchehiwa

Obethunjiwe ngeviki edluleyo ngoLwesine koBulawayo watholakala etshayiwe walimala kakubi ngoMgqibelo, uTawanda Muchehiwa, uzahanjiswa emthethwandaba namuhla owathi kumele avezwe ukuyafakaza ukuthi mpela usetholakele.

IHigh Court inqume ngoMgqibelo ukuthi amapholisa kwakumele aveze uMuchehiwa, owathunjwa ngabacatshangelwa ukuthi ngamapholisa, kungakedluli amalanga amathathu.

Kwathi ngelanga linye ntambama uMuchehiwa, ongumzukulu womhleli wephephandaba lobulembu be Internet, ele Zimlive.com, uMnu Mduduzi Mathuthu, watholakala ejikelwe duze langakibo eMatshula emanxebanxeba njalo ecabangela ukuthi wanathiswa itshefu.

UMuchehiwa wathathwa labanye abazukulu bakamathuthu ababili lodadewakhe ngemva kokumswela endlini yakhe. Bathi kumele aziveze lapho acatshe khona andubana bakhulule abomndeni wakhe.

Amapholisa afika ahluthuna amafoni akhe lama-laptop esithi ayamdinga ngoba ungomunye wabantu abatshotshozela ukugenqulwa kombuso weZanu PF ngodlakela.

please wait

No media source currently available

0:00 0:03:11 0:00


UMatahthuthu nguye owaqala ukuloba udaba lokutshaphazwa kwemali ngowayengumphathintambo wezempilakahle, uMnu. Obadia Moyo lamadodana kaMongameli Emmerson Mnangagwa.

Abanye abazukulu bakaMathuthu lodadewakhe bakhululwa langalinye. UMuchehiwa yena elokhu elaliswe esibhedlela njalo igqwetha lakhe uMnu Nqobani Sithole uthi ulimele kakubi.

USithole utshele uNtungamili Nkomo weStudio Seven ukuthi uMuchehiwa engehluleka ukuya emthethwandaba namuhla ngenxa yamanxeba, bazacela umantshi ukuthi azihambele esibhedlela ayebona ukuthi usetholakele lokuthi ukusimo bani.

Facebook Forum

XS
SM
MD
LG