amalinks wokungena

Breaking News

UMnangagwa Ukhetha uChiwenga Ukuba Ngumphathintambo Wezempilakahle


URetired General Constantino Chiwenga. ( (S. Mhofu/VOA)

Kudaba olutshiye abantu abanengi bedidekile, uMongameli Emmerson Mnangagwa ngoLwesibili ukhethe umsekeli wakhe uMnu Constantino Chiwenga ukuba ngumphathintambo wezempilakahle.

UChiwenga ungena kusikhundla esitshiywe nguMnu Obadiah Moyo, yena oxotshwe umsebenzi nguMnangagwa kumaviki asanda kwedlula esetheswa icala lenkohlakalo.

Embikweni owethulwe ngumabhalane obona ngokwenzakala ehofisini kaMnangagwa uMnu Mischeck Sibanda uthe uChiwenga sehle waqala umsebenzi.

Uthe njalo uphiwe umlandu wokuguqula ezempilakahle ukuze zisebenze ngcono ukuze ilizwe lilwisanane lomkhuhlane weCovid-19.

Ukukhethwa kukaMnu Chiwenga kumangalise abantu abanengi ekade bekhangelele ukuthi isikhundla lesi sinikwe umuntu ongudokotela kumbe oyingcwethi kwezempilakahle.

UChiwenga ungena esikhundleni lesi ngesikhathi abongi bephakathi kokukhalala umsebenzi bekhonona ngehola eliphansi. Odokotela labo bathi bazakwenza okufanayo.

Bakhala njalo ngokuswela okokusebenzisa ezibhedlela ukuze bazivikele kumkhuhlane weCoronavirus.

Facebook Forum

XS
SM
MD
LG