amalinks wokungena

Breaking News

Uyeza Umthetho Ozakwenza Kubelicala Ukuthi Inzalo yeZimbabwe Ichothoze Ilizwe Layo, Kutsho Uhulumende


UMongameli Emmerson Mnangagwa esemkhosini wokukhankasela ukwesulwa kwezijeziso eNational Sports Stadium

Uhulumende uthi uzakwethula umthetho ozakwenza kube licala ukuthi izizalwane zeZimbabwe zikhulume kubi kumbe zichothoze ilizwe lazo.

Osaphethe isikhundla sikamphathintambo obona ngokwethulwa kwembiki, uNkosikazi Sithembiso Nyoni utshele intathelizindaba ngoLwesithathu ngemva komhlangano wedale leCabinent ukuthi uhulumende uzaqinisa njalo imithetho ekhona ukuze kuvinjwe abantu abethula imibiko elenzondo njalo ehlukanisa uzulu.

Lokhu kuza ngesikhathi kulokufuthelana okukhulu elizweni phezu kokuthunjwa lokuhlukuluzwa kwabasola umbuso kaMongameli Emmerson Mnangagwa, yena othi abantu laba bazama ukumgenqula embusweni ngodlakela besebenza lezitha.

Olwela amalugelo oluntu uMnu Mbuso Fuzwayo utshele iStudio 7 ukuthi umthetho lo uzabangela ukuhlukuluzwa kwabantu ngamandla lokwephulwa kwamalungelo abo nguhulumende.

please wait

No media source currently available

0:00 0:02:02 0:00

Kunjalo, inengi selisole umbiko kaMnangagwa awethule izolo lapho achaze khona abamabandla aphikisayo njengezidlova, ama-terrorists, azama ukumsusa embusweni.

Olwela amalungelo oluntu uMnu Difa Dube uthi uMnangagwa ubemele akhulume njengomuntu omdala, abambanise abantu hatshi ukukhwezela ukufuthelana okuvele kukhona.

please wait
Embed

No media source currently available

0:00 0:02:12 0:00

Facebook Forum

XS
SM
MD
LG