amalinks wokungena

Breaking News

Umongameli Ramaphosa Ubumba Iqula Elizakuya eZimbabwe Lihlaziya Udaba Lombuso kaMongameli Mnangagwa


Umongameli Cyril Ramaphosa loMongameli Emmerson Mnangagwa.

UMongameli weleSouth Africa uMnu Cyril Ramaphosa sekhethe iqula azalithumela eZimbabwe ukuyahlaziya udaba lokwephulwa kwamalungelo oluntu okwenzakalayo lokuhlukuluzwa mahlayana kwabantu abasola umbuso weZanu PF.

Kumbiko ewethulwe izolo ebusuku, ihofisi kaRamaphosa ithe izithunywa zakhe ezikuleli qula zibalisa owake waba ngumphathintambo kahulumende uMnu Sydney Mufamadi kanye lowake waba ngusomlomo wedale lephalamende uNkosikazi Baleka Mbete.

Ithe njalo ababili laba bazalubhekisa eZimbabwe maduze ukuyahlangana loMongameli Emmerson Mnangagwa kanye labanye abatshiyeneyo abagoqela abamabandla aphikisayo labenhlanganiso ezizimele zodwa ukuze bazwisise okuhluphayo lokuthi eleSouth Africa lingaphathisa njani.

Uhulumende weSouth Africa ubevele ezizwa ebandezekile ngodaba lweZimbabwe ngoba izizalwane zakulelolizwe ezigoqela abebandla likaRamaphosa elibusayo eleANC labamabandla aphikisayo afana leEFF kanye lozulu jikelele bexhase izizalwane zeZimbabwe kumkhankaso wokuthi uhulumende weSouth Africa kumele angenele ukuze kumise ukwephulwa kwamalungelo oluntu nguhulumende weZanu PF.

Unobhala jikelele weUnited Nations uMnu Antonio Guterres laye wethule umbiko izolo exwayisa uMnangagwa ukuthi ahloniphe amalungelo oluntu.

Abantu abanengi abasola iZanu PF bayangenelwa ezindlini ebusuku kulezinsuku ngabantu abahlomileyo kuthi abanye bathunjwe bazetholakala betshaywe kakubi njengoTawanda Muchehiwa, yena obikwa elokhe elaliswe esibhedlela.

Abanye ngababotshelwa amacala okuthuka uMnangagwa abafana lesakhamuzi seKariba uRujeko Mpambwa yena ozamiswa enkantolo namuhla. Sixoxe legqwetha elilwela amalungelo oluntu uMnu Kuda Hove.

please wait

No media source currently available

0:00 0:03:05 0:00



Facebook Forum

XS
SM
MD
LG