amalinks wokungena

Breaking News

I-Zanu PF kuANC: Lina Labulala Abantu eMarikana Kodwa Asizange Sikhulume, Ngakho Lingasichothozi


Zimbabwe President Emmerson Mnangagwa addresses ruling ZANU-PF party supporters in Zvimba, Robert Mugabe’s rural home, about 100 km southwest of Harare, Nov. 24, 2018. (C. Mavhunga/VOA)

Ibandla leZanu PF ngoLwesihlanu lisole unobhala jikelele webandla elibusayo kweleSouth Africa eleANC uMnu Ace Magashule ngemva kokuba echothoze uhulumende kaMongameli Emmerson Mnangagwa phezu kokwephulwa kwamalungelo oluntu elizweni.

UMagashule utshele intathelizindaba kuliviki ukuthi uhulumende welizwe lakhe ukhathazekile ngokuhlukuluzwa kwabantu okubikwa kusenzakalayo eZimbabwe.

Isikhulumeli seZanu PF uMnu Patrick Chinamsa wethule umbiko esola uMagashule esithi kuyabadanisa njengeZanu PF ukuthi ibandla leANC lichothoze uhulumende walo emphakathini kulokuthi likhulumisane laye ngasese.

Uthe uhulumende weSouth Africa laye wabulala abantu eMarikana kanti lamasotsha akhe lawo abulala abantu kodwa iZanu PF ayikaze ikusole lokho emphakathini ngenxa yobudlelwano obukhona phakathi kwamabandla womabili.

Okukhanya kucunule iZanu PF njalo yikuthi uMongameli Cyril Ramaphosa usethumele iqula eHarare ukuyacwayisisa ngodaba lokwephulwa kwamalungelo lolu.

“Ukuthi iMelika ihambe ipepetsha ngoba sathatha umhlabathi akusoze kusebenze, leSouth Africa layo ayithathe umhlabathi ibone,” kutsho ilunga leZanu PF uMnu Mabutho Moyo.

please wait

No media source currently available

0:00 0:01:03 0:00

Kodwa umsekeli wesikhulumeli seMDC Alliance uMnu Felix Magalela Mafa Sibanda utshele iStudio 7 ukuthi bayakwamukela osokwenziwe nguhulumende weSouth Africa.

please wait

No media source currently available

0:00 0:01:03 0:00

Facebook Forum

XS
SM
MD
LG