Namuhla likhefu lokunanza amaqhawe eZimbabwe alwela ilizwe kumpi yenkululeko.
Usuku lolu luza ngesikhathi kulokufuthelana elizweni phezu kokubotshwa mahlayana kwabantu abasola umbuso weZanu PF kanye lokuthunjwa kwabanye abatholakala betshayiwe kakubi.
Ngekhefu leli kuvame ukuba lombuthano eHeroes Acre lapho uMongameli welizwe ayethula khona umbiko wokukhumbula lokuqakathekisa amaqhawe.
Kodwa umphathintambo wendaba zasekhaya uMnu Kazembe Kazembe utshele iphephandaba leHerald ukuthi namuhla akulambuthano ozakwenziwa ngenxa yomkhuhlane weCovid-19.
Wengeze wathi uMongameli Emmerson Mnangagwa uzakwethula umbiko wakhe kumabonakude.
Umgcinisihlalo weMDC-T eMelika uMnu Den Moyo utshele iStudio 7 ukuthi lanxa ilanga lanamuhla liqakathekile, lisuke lesulwe uhlonzi yikuhlupheka kwabantu lokwephulwa kwamalungelo oluntu.
