amalinks wokungena

Breaking News

Julius Malema: UMnangagwa Usephenduke Waba Yingulube Esisidla Abantwabayo


FILE - Julius Malema, leader of the Economic Freedom Fighters (EFF) party, raises objections before being evicted from Parliament during President Jacob Zuma's question and answer session in Cape Town, South Africa, May 17, 2016.
FILE - Julius Malema, leader of the Economic Freedom Fighters (EFF) party, raises objections before being evicted from Parliament during President Jacob Zuma's question and answer session in Cape Town, South Africa, May 17, 2016.

Umkhokheli webandla eliphikisayo kweleSouth Africa eleEFF uMnu Julias Malema uthi uMongameli Emmerson Mnangagwa usephenduke waba yingulube edla abantwabayo njalo uthi ontanga sokumele baphakame balwele inkululeko yabo.

UMalema uthi kumele abantu basukume bamelane lombuso weZanu PF njalo bathathe amanyathelo afaba lokuvala umngcele weBeitbridge, hatshi ukubanga umsindo kuphela enkundleni zokuxhumana ezifana leTwitter.

Ekhuluma emkhosini wokunanza ilanga leWomen’s Day izolo, uMnu Malema wengeze wathi uzimisele ukusekela uzulu weZimbabwe ekulweleni inkululeko yakhe.

Amazwi kaMalema aza ngesikhathi uMongameli weSouth Africa uMnu Cyril Ramaphosa esekhethe iqula azalithumela eHarare ukuyacwayisisa udaba lokwephulwa kwamalungelo oluntu okubikwa kusenziwa nguhulumende.

Abanye ngababikwa bethunjwa abafana loMnu Tawanda Muchehiwa yena owathathwa ngabantu abacatshangelwa ukuthi ngabakahulumende watholakana ngemva kwensuku ezimbili etshaywe walimala kakubi.

UMuchehiwa ngumzukulu kaMnu Mduduzi Mathuthu, umhleli wenkundla yeZimLive.com yena odingwa ngamapholisa emethesa icala lokutshotshozela udlakela.

Ngempelaviki kubikwa kuthunjwe njalo osakhulayo wesifazana koBulawayo uNkosazana Noxolo Maphosa wayahlukuluzwa kakhulu ngabantu ekada besithi badinga umalumakhe, uMnu Mzaca Ngulube yena okwezombusazwe njalo olwela amalungelo oluntu.

Umsekeli wesikhulumeli seMDC Alliance uMnu Felix Magalela Mafa Sibanda utshele iStudio 7 ukuthi ibandla lakhe liyavumelana loMalema ekuthini uzulu weZimbabwe kumele azikhulule. Wengeze wathi lokhu kumele kwenziwe ngokuthula.

please wait

No media source currently available

0:00 0:03:01 0:00

Kodwa isiphathamandla sebandla leZanu PF uMnu Joseph Tshuma laye utshele lumsakazo ukuthi abantu abafaba loMalema batshotshozela udlakela eZimbabwe.

please wait

No media source currently available

0:00 0:01:26 0:00

XS
SM
MD
LG