amalinks wokungena

Breaking News

UMnangagwa Ubikwa Evimbe Iqula likaRamaphosa Ukuthi Lihlangane Lamabandla Aphikisayo


UMongameli Emmerson Mnangagwa

Iqula likaMongameli weleSouth Africa uMnu Cyril Ramaphosa ebeliseZimbabwe izolo lilande ukuyaphenya udaba lokwephulwa kwamalungelo okubikwa kusenziwa nguhulumende libuyelile lingahlangananga labamabandla aphikisayo lanxa nje belihlele ukuhlangana labo.

Abasiki bebunda bathi iqula leli livinjwe nguMongameli Emmerson Mnangagwa lebandla lakhe leZanu PF.

Iqula leli, ebelikhokhelwa nguNkosikazi Baleka Mbethe loMnu Sydney Mufamadi, belithembise ukuhlangana labamabandla agoqela eleMDC Alliance leleMDC-T ukuze lithole imibono yabo ngokwenzakalayo elizweni.

Kodwa libikwa lihlangane loMongameli Mnangagwa kuphela laselixolisa kwabamabandla aphikisayo ukuthi kalisoze libe lisahlangana labo.

Isikhulumeli sikahulumende uMnu Nick Mangwana, eloba enkundleni yeTwitter izolo, uthe akulalutho olubi ngalokhu.

UMongameli Mnangagwa ubikwa etshele uMbethe loMufamadi ukuthi akula kwephulwa kwamalungelo okwenzakalayo, ngakho bekungelasidingo sokuthi bahlangane labamabandla aphikisayo.

Le yinto esolwe kakhulu yiMDC Alliance. Umsekeli wesikhulumeli salelibandla uMnu Felix Magalela Mafa Sibanda utshele iStudio 7 ukuthi uMnangagwa uzama ukufihla uchuku olwenziwa ebantwini nguhulumende wakhe.

please wait

No media source currently available

0:00 0:02:42 0:00

Isikhulumeli sebandla leMDC-T elikhokhelwa nguNkosazana Thokozani Khupe uMnu Khaliphani Phugeni yena utshele lumsakazo ukuthi akubahluphi ukuthi iqula likaMongameli Ramaphosa alisahlangananga labo.

please wait

No media source currently available

0:00 0:02:11 0:00

Isiphathamandla seZanu PF eNgilandi uMnu Masimba Mavaza yena uthe uMnangagwa walile ukuthi iqula leli lihlangane labamabandla aphikisyao yena engekho ngoba bebezaqamba amanga ngokwenzakalayo elizweni.

please wait

No media source currently available

0:00 0:01:30 0:00

Facebook Forum

XS
SM
MD
LG