Uhulumende uthi ukusungula umkambo wokuthengisa imali yakwamanye amazwe kumbe iforeign exchange auction usubangele ukuthi intengo yempahla ezitolo ingasakhwele mahlayana.
Kodwa iziphathamandla zamankampani zithi ukungabi lemithetho ebalulekileyo elawula ukusetshenziswa kwemali yilo udubo olukhulu.
Ingcwethi ecubungula ezomontho welizwe, uMnu. Rejoice Ngwenya uthi umkambo wensitha lo awusebenzi.
Lokhu kugcizelelwe yisiphathamandla senhlanganiso yabaphila ngokuthengisa ezitladeni eye Bulawayo Vendors and Traders Association, uNkosikazi Debra Mkasa othi ilizwe livele alilamali yinqe ngeyoluphi uhlobo.
Ihlanganiso yabosomabhizimusi, eye Cofederation of Zimbabwe Industries ithi osomabhizimusi kabawuthembi umkambo wemali lo.
UNgwenya uthi udubo yikuthi imphala yonke ithengwa phandle kwelizwe okubanela ukuthi ilizwe lingatholi imali yakwamanye amazwe.
Unkosikazi Mkasa uthi okunye okwengezela udubo yikuthi akusela abayemukela ezinye indlela zokuthenga ngemali yefoni:
Ezinye ingcwethi kwezomnotho zithi ilizwe ngaba liyasebenzisa iRand lakwele South Africa ukuze kuphele udubo lwemali elizweni kodwa uhulumende uqhubeka esala.
