amalinks wokungena

Breaking News

UChin'ono Uzachazela Inkantolo Ubuzima Aphakathi Kwabo Ejele Namuhla


Hopewell Chin'ono Bail Application Hearing
Hopewell Chin'ono Bail Application Hearing

Intathelizindaba ebotshwe ngenyanga edluleyo isetheswa icala lokutshotshozela uzulu ukuthi avukele umbuso weZanu PF uMnu Hopewell Chin’ono uzaphindela emthethwandaba namuhla lapho azakwethulela inkundla ubufakazi ngobubi athi izibotshwa zihlangana labo emajele.

UChin’ono ubesenkantolo izolo lapho igqwetha lakhe uNkosikazi Beatrice Mthethwa akhonone khona ngokuthi uChin’ono uphathwa kubi kakhulu ejele ngoba izihlobo zakhe azivunyelwa ukumphathela ukudla okuphekiweyo.

Ngokunjalo, uthe usephila ngama-biscuits lamanzi kuphela. UChin’ono uzakwethu ubufakazi lobu kudaba lwakhe lokucela ukukhululwa ngemali yesibambiso ngemva kokwalelwa kabili.

Umantshi uthe udaba lolu luzahluzwa ngudlu kungelantathelizindaba kumbe uzulu ngoba lokho uChin’ono azakukhuluma kulakho ukufaka impilo zezinye izibotshwa labogadijele engozini.

Obotshelwe icala linye loChin’ono uMnu Jacob Ngarivhume, ongumholi webandla eliphikisayo eleTransform Zimbabwe yena uzaphindela enkantolo ngoMvulo lapho okuzahluzwa khona isicelo sakhe esitsha sokuthi akhululwe laye ngebail.

XS
SM
MD
LG