amalinks wokungena

Breaking News

Inhlanganiso yeHabakkuk Trust Yethula Amafilimu Amayelana ngeGukurahundi


Inhlanganiso elwela amalungelo oluntu eyeHabakkuk Trust kuliviki yethule amafilimu amathathu amayelana ngombuqazwe weGukurahundi.

Amafilimu la ebekhangela ikakhulu ukunyamalala kwabantu abathathwa ngababutho e5th Brigade bayagongodwa kanye lobunzima obabuhlangana labesifazana.

Abanye ngababedlwengulwa kuthi abanye ngababebulawa bezithwele.

Abesifazana abaphume kumafilimu la bachasise ngobubi obabehlelayo njalo abanye bebesithi abasoze bafa baxola kumbe bakhohlwa.

Inhlanganiso zamalungelo zithi umbuqazwe lo wabulala abantu abedlula inkulungwane ezingamatshumi amabili, 20,000 eMatabaleland laseMidlands.

UMongameli Emmerson Mnangagwa lomuyi uMnu Robert mugabe ngabanye babantu abetheswa icala lokuphatheka kulumbuqazwe. Bobabili abakaze baxolise.

Isiphathamandla seHabakkuk Trust uMnu Dumisani Nkomo utshele iStudio 7 ukuthi amafilimu la atholakala ekhasini yenhlanganiso yakhe enkundleni yeFacebook.

Wengeze wathi injongo yabo ngeyokulondoloza imbali yalumbuqazwe ikhulunywa ngabantu ababekhona ngoba inengi labo selisalelwe yiminyaka embalwa emhlabeni.

please wait

No media source currently available

0:00 0:02:19 0:00

Facebook Forum

XS
SM
MD
LG